கார் மோதி ஒருவர் பலி

மணப்பாறை:

மணப்பாறையை அடுத்த பிச்சமணியாரம்பட்டியை சேர்ந்தவர் ஆல்பர்ட் விக்டர்(வயது 44). இவர் நேற்று முன்தினம் பாண்டியன்(32) என்பவருடன் ஒரு மோட்டார் சைக்கிளில் ஆவாரம்பட்டி பிரிவு சாலை அருகே சென்றபோது, பின்னால் வந்த கார் மோதியது. இதில் 2 பேரும் படுகாயமடைந்தனர். இதையடுத்து தனியார் மருத்துவமனையில் சிகிச்சை பெற்று வந்த ஆல்பர்ட் விக்டர் நள்ளிரவில் சிகிச்சை பலனின்றி உயிரிழந்தார். பாண்டியன் அரசு மருத்துவமனையில் சிகிச்சை பெற்று வருகிறார். இந்த சம்பவம் குறித்து வையம்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.