மோட்டார் சைக்கிள் மோதி ஒருவர் பலி

அரிமளம் அருகே கல்லுகுடியிருப்பு கிராமத்தை சேர்ந்தவர் துரைராஜ் (வயது 53). இவர் அறந்தாங்கி- காரைக்குடி சாலையில் கீழாநிலைகோட்டை பகுதியில் சைக்கிளில் சென்று கொண்டிருந்தார். அப்போது எதிரே வந்த மோட்டார் சைக்கிள் எதிர்பாராதவிதமாக துரைராஜ் ஓட்டி வந்த சைக்கிள் மீது மோதியது. இதில் பலத்த காயம் அடைந்த துரைராஜை அக்கம் பக்கத்தில் உள்ளவர்கள் மீட்டு சிகிச்சைக்காக அறந்தாங்கி அரசு மருத்துவமனைக்கு அனுப்பி வைத்தனர். அங்கு சிகிச்சை பலனின்றி துரைராஜ் பரிதாபமாக உயிரிழந்தார். இதுகுறித்து கே.புதுப்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.