ஊட்டி கென்ட்ஸ் அணி வெற்றி

கோத்தகிரி,

நீலகிரி மாவட்ட கிரிக்கெட் சங்கம் சார்பில், மாவட்ட அளவிலான ஏ, பி மற்றும் சி டிவிஷன் கிரிக்கெட் லீக் போட்டிகள் கோத்தகிரி காந்தி மைதானத்தில் நடைபெற்று வருகிறது. ஒவ்வொரு பிரிவிலும் தலா 10 அணிகள் பங்கேற்று விளையாடி வருகின்றன. இந்தநிலையில் நேற்று நடந்த ஏ டிவிஷன் லீக் போட்டியில் ஊட்டி கென்ட்ஸ் அணியும், குன்னூர் யங் ஸ்டார்ஸ் அணியும் மோதியது. இந்த போட்டியில் டாஸ் வென்று முதலில் பேட்டிங் செய்த கென்ட்ஸ் அணி நிர்ணயிக்கப்பட்ட 30 ஓவர்களில் 7 விக்கெட்டுகளை இழந்து 167 ரன்கள் எடுத்தது. இந்த அணியை சேர்ந்த அருள் 53 ரன்கள், ஆரோன் கீட்ஸ் 48 ரன்கள் எடுத்தனர். யங் ஸ்டார்ஸ் அணியின் பந்து வீச்சாளர் ஜனார்த் 3 விக்கெட்டுகளை வீழ்த்தினார். தொடர்ந்து ஆடிய யங் ஸ்டார்ஸ் அணி 30 ஓவர்களில் அனைத்து விக்கெட்டுகளையும் இழந்து 158 ரன்கள் மட்டுமே எடுத்தது. இந்த அணி வீரர்கள் நித்தின் சுரேஷ் 44 ரன்கள், அயான் மேத்யூஸ் 36 ரன்கள் எடுத்தனர். கென்ட்ஸ் அணியின் பந்து வீச்சாளர் வினீத்குமார் 6 விக்கெட்டுகளை வீழ்த்தினார். இந்த போட்டியில் 3 விக்கெட் வித்தியாசத்தில் ஊட்டி கென்ட்ஸ் அணி வெற்றி பெற்றது.