பள்ளி தலைமை ஆசிரியர் இடமாற்றத்துக்கு எதிர்ப்பு: வாழதாசம்பட்டியில் மாணவர்கள் போராட்டம்

மேச்சேரி,

மேச்சேரி அருகே வாழதாசம்பட்டி ஊராட்சி ஒன்றிய நடுநிலைப்பள்ளி தலைமை ஆசிரியர் ஜெயசித்ரா, வன்னியனூர் நடுநிலைப்பள்ளிக்கும், வன்னியனூர் பள்ளி தலைமை ஆசிரியர் சிவகுமார், வாழதாசம்பட்டிக்கும் இடமாற்றம் செய்யப்பட்டனர். இதற்கு எதிர்ப்பு தெரிவித்து வாழதாசம்பட்டியில் பள்ளி மாணவ- மாணவிகள் வகுப்புகளுக்கு செல்லாமல் பள்ளி முன்பு திரண்டு போராட்டம் நடத்தினர். பின்னர் சிறிது நேரம் அங்கேயே நின்று கோஷங்கள் எழுப்பிவிட்டு கலைந்து சென்றனர். இதேபோல் வன்னியூரிலும் தலைமை ஆசிரியர் இடமாற்றத்துக்கு எதிர்ப்பு தெரிவித்து மாணவர்கள் போராட்டத்தில் ஈடுபட்டனர்.