நீடாமங்கலத்தில் இருந்து நெல்லைக்கு அரவைக்காக ஆயிரம் டன் நெல்

திருவாரூர் மாவட்டம் நீடாமங்கலத்தில் இருந்து நெல்லைக்கு அரவைக்காக ஆயிரம் டன் நெல் அனுப்பி வைக்கும் பணி நேற்று நடந்தது. இதை முன்னிட்டு அசேஷம், தெற்குநத்தம், இடையர்நத்தம், கோவிலூர் ஆகிய ஊர்களில் உள்ள திறந்தவெளி சேமிப்பு மையங்களில் இருப்பு வைக்கப்பட்ட ஆயிரம் டன் எடை கொண்ட பொதுரக நெல் 78 லாரிகளில் நீடாமங்கலம் ரெயில் நிலையத்துக்கு கொண்டு வரப்பட்டது. இதையடுத்து சுமைதூக்கும் தொழிலாளர்கள் நெல் மூட்டைகளை சரக்கு ரெயிலின் 21 பெட்டிகளில் அடுக்கி வைத்தனர். இதனைத் தொடர்ந்து ஆயிரம் டன் நெல்லுடன் சரக்கு ரெயில் நெல்லைக்கு புறப்பட்டு சென்றது.