பார்த்தசாரதி பெருமாள் கோவிலில் கருடசேவை

திருவெண்காடு:

திருவெண்காடு அருகே பார்த்தன்பள்ளி கிராமத்தில் பார்த்தசாரதி பெருமாள் கோவில் உள்ளது. இந்த கோவிலில் பிரம்மோற்சவ விழா கடந்த 19-ந் தேதி கொடியேற்றத்துடன் தொடங்கியது. இதை தொடர்ந்து நேற்று முன்தினம் இரவு கருடசேவை உற்சவம் நடந்தது. முன்னதாக பெருமாளுக்கு அபிஷேக, ஆராதனை, அலங்காரம் செய்யப்பட்டது. பின்னர் கருட வாகனத்தில் பெருமாள் எழுந்தருளினார். இதில் திரளான பக்தர்கள் கலந்து கொண்டு சாமி தரிசனம் செய்தனர். இதற்கான ஏற்பாடுகளை கோவில் பரம்பரை அறங்காவலர்கள் கிருஷ்ணகுமார் பட்டாச்சாரியார், பட்டாபிராமன் பட்டாச்சாரியார் மற்றும் கிராம மக்கள் செய்திருந்தனர்.