சேதமடைந்த சாலையை சீரமைக்க பயணிகள் கோரிக்கை

பனப்பாக்கத்தில் இருந்து உளியநல்லூர் செல்லும் சாலை மோசமாக உள்ளது. அந்தச் சாலை வழியாக உளியநல்லூர், துறையூர், கோடம்பாக்கம், பெரப்பேரி, மகேந்திரவாடி ஆகிய கிராமங்களை சேர்ந்த பள்ளி, கல்லூரிக்கு செல்லும் மாணவ-மாணவிகள், மருத்துவமனை, தனியார் கம்பெனிகளுக்கு செல்லும் மக்கள் அவதிப்படுகின்றனர். அந்த சாலை போக்குவரத்துக்கு லாயக்கற்ற நிலையில் குண்டும், குழியுமாக உள்ளது. அடிக்கடி விபத்துகளும் ஏற்படுகிறது. சம்பந்தபட்ட துறை அதிகாரிகள் நடவடிக்கை எடுத்து சாலையை சீரமைக்க வேண்டும் என பயணிகள் கோரிக்கை விடுத்துள்ளனர்.