மதபோதகரின் கார் கண்ணாடி உடைப்பு

மணவாளக்குறிச்சி:

மண்டைக்காடு அருகே உள்ள பருத்திவிளையை சேர்ந்தவர் சுஜின் (வயது 43). இவர் காரியாவிளையில் உள்ள ஒரு கிறிஸ்தவ அமைப்பின் மத போதகராக உள்ளார். சம்பவத்தன்று இவர் காரை பருத்திவிளையில் உள்ள வீட்டு வளாகத்தில் நிறுத்தி விட்டு காரியாவிளைக்கு சென்று விட்டார்.

இந்தநிலையில் அந்த காரின் கண்ணாடிகள் உடைக்கப்பட்டு இருந்தது. இதனை கண்ட மதபோதகரின் தாயார் செல்லத்தங்கம் அதிர்ச்சி அடைந்தார். இரவு நேரத்தில் மர்மநபர் வீட்டு வளாகத்திற்குள் புகுந்து காரை சேதப்படுத்தியிருக்கலாம் என போலீசார் சந்தேகிக்கின்றனர். மேலும் இதுதொடர்பாக மண்டைக்காடு போலீசார் வழக்குப்பதிவு செய்து விசாரணை நடத்தி வருகின்றனர்.