மோட்டார் சைக்கிள் மோதியதில் நடந்து சென்றவர் பலி

தஞ்சையை அடுத்துள்ள‌ வல்லம்புதூர் மகா காளியம்மன் கோவில் தெருவை சேர்ந்தவர் சந்திரபாபு (வயது 58). இவர், தனது உறவினர் வீட்டு விசேஷத்திற்கு சென்று விட்டு தஞ்சை அருகே உள்ள‌ ரெட்டிபாளையத்தை நோக்கி சாலையில் நடந்து சென்று கொண்டிருந்தார். அங்குள்ள‌ மகா முனியாண்டவர் கோவில் அருகே அவர்‌ சென்றபோது பின்னால் வந்த மோட்டார் சைக்கிள் ஒன்று எதிர்பாராதவிதமாக சந்திரபாபு மீது மோதியது. இதில் படுகாயமடைந்த அவர் சம்பவ இடத்திலேயே பரிதாபமாக உயிரிழந்தார். இதுகுறித்து தகவல் அறிந்த கள்ளப்பெரம்பூர் போலீசார் சம்பவ‌ இடத்திற்கு விரைந்து வந்து விபத்தில் இறந்த சந்திரபாபுவின் உடலை மீட்டு பிரேத பரிசோதனைக்காக தஞ்சை மருத்துவக்கல்லூரி ஆஸ்பத்திரிக்கு அனுப்பி வைத்தனர். மேலும் இதுகுறித்து வழக்குப்பதிவு செய்து விசாரணை நடத்தி வருகின்றனர்.