பிடாரியம்மன் கோவிலுக்கு பக்தர்கள் முளைப்பாரி ஊர்வலம்

கீரமங்கலம்

கீரமங்கலம் அருகே சேந்தன்குடி கிராமத்தில் பிடாரியம்மன் கோவில் உள்ளது. இக்கோவிலில் ஆடித்திருவிழாவை முன்னிட்டு கடந்த வாரம் கிராமத்தினர் தங்கள் வீடுகளில் பாத்திரங்களில் மண் நிரப்பி விதைகள் தூவி வளர்த்து வந்த முளைப்பாரியை, ஆட்டம் பாட்டத்துடன் ஊர்வலமாக பிடாரியம்மன் கோவிலுக்கு தூக்கி சென்று வழிபட்டனர். இதில் கிராமத்தினர் ஏராளமானோர் கலந்து கொண்டனர். தொடர்ந்து மதுஎடுப்பு திருவிழா நடக்க உள்ளது. திருவிழா ஏற்பாடுகளை விழாக்குழுவினரும், பாதுகாப்பு ஏற்பாடுகளை கீரமங்கலம் போலீசாரும் செய்து வருகின்றனர்.