பாகலூர் அருகே 6 வயது சிறுமிக்கு பாலியல் தொல்லை-போக்சோ சட்டத்தில் தொழிலாளி கைது

ஓசூர்:

ஓசூரை அடுத்த பாகலூர் அருகே உள்ள கக்கனூரை சேர்ந்தவர் சோமசேகர். இவருடைய மகன் லோகேஷ் (வயது 23). கூலித்தொழிலாளி. இவர் கடந்த 2-ந் தேதி அரசு பள்ளியில் 2-ம் வகுப்பு படிக்கும் 6 வயது சிறுமிக்கு பாலியல் தொல்லை கொடுத்ததாக கூறப்படுகிறது. இதில் அந்த சிறுமியின் உடல் நலம் பாதிக்கப்பட்டது. இதனால் அதிர்ச்சி அடைந்த சிறுமியின் பெற்றோர், அவளை சிகிச்சைக்காக ஓசூர் அரசு ஆஸ்பத்திரியில் சேர்த்தனர். மேலும் இந்த சம்பவம் குறித்து ஓசூர் அனைத்து மகளிர் போலீசில் புகார் அளித்தனர். அதன்பேரில் போலீசார் போக்சோ சட்டத்தின் கீழ் வழக்குப்பதிவு செய்து லோகேசை கைது செய்தனர்.