குளச்சலில் போதை ஒழிப்பு குறித்து போலீசார் இருசக்கர வாகன பேரணி

குளச்சல்,

குளச்சலில் போதை ஒழிப்பு குறித்து போலீசார் சார்பில் இருசக்கர வாகன பேரணி நடந்தது.

பேரணி

மாணவர்கள் மற்றும் இளைஞர்களிடையே போதை ஒழிப்பு குறித்து விழிப்புணர்வு ஏற்படுத்தும் வகையில் குமரி மாவட்ட காவல் துறை சார்பில் பல்வேறு நடவடிக்கை எடுக்கப்பட்டு வருகிறது. இதன் ஒரு பகுதியாக குளச்சல் சப்-டிவிசன் சார்பில் போதை ஒழிப்பு தொடர்பாக விழிப்புணர்வு இருசக்கர வாகன பேரணி நேற்று மாலை குளச்சல் காமராஜர் பஸ் நிலையம் முன்பு நடந்தது. குளச்சல் போலீஸ் துணை சூப்பிரண்டு தங்கராமன் பேரணியை தொடங்கி வைத்தார்.

இந்த பேரணி உடையார்விளை, லட்சுமிபுரம், செட்டியார் மடம், திங்கள்நகர் வழியாக இரணியல் போலீஸ் நிலையம் சென்றடைந்தது. இதில் போக்குவரத்து இன்ஸ்பெக்டர் வில்லியன் பெஞ்சமின், சப்-இன்ஸ்பெக்டர்கள் சுரேஷ்குமார், பாலசெல்வன், குருநாதன் மற்றும் மகளிர் போலீசார் உள்பட குளச்சல் சப்-டிவிசன் சப்-இன்ஸ்பெக்டர்கள், போலீசார் கலந்து கொண்டனர்.