போலீசார் சோதனையில் 12 மோட்டார் சைக்கிள் பறிமுதல்

அணைக்கட்டு

ஒடுகத்தூர் மற்றும் அதனைச்சுற்றியுள்ள பகுதிகளில் இரவு மற்றும் பகல் நேரங்களில் வீட்டின் முன்பும் வங்கி அருகேயும் நிறுத்தி வைக்கப்படும் மோட்டார்சைக்கிள்கள் திருடப்படுவது அதிகரித்து வந்தது.

இந்த நிலையில், வேலூர் மாவட்ட போலீஸ் துணை சூப்பிரண்டு திருநாவுக்கரசு தலைமையிலான தனிப்பிரிவு போலீசார் வார சந்தை முழுவதும் அதிரடி சோதனை நடத்தினர். சோதனையில் உரிய ஆவணம் இல்லாமலும், பதிவெண் இல்லாமலும் எடுத்து வரப்பட்ட சுமார் 12 மோட்டார்சைக்கிள்களை பறிமுதல் செய்தனர்.

இதில், திருப்பதி, ஆந்திரா போன்ற வெளி மாநில பதிவெண்கள் கொண்ட மோட்டார்சைக்கிள்களும் சிக்கின. இதில், 3 பேர் உரிய ஆவணம் கொடுத்து வண்டியை எடுத்து சென்றனர்.

இது குறித்து போலீஸ் தரப்பில் கூறிகையில், ''பல்வேறு பகுதிகளில் திருடப்படும் பைக்குகள் ஒடுகத்தூர் பகுதியில் தான் உள்ளது என எங்களுக்கு ரகசிய தகவல் கிடைத்தது. இதனால், பொதுமக்கள் அதிகம் கூடும் வார சந்தை முழுவதும் சோதனை செய்தோம். இந்த சோதனை இனி வாரந்தோறும் தொடரும்'' என்றனர்.