மொபட் மோதி காவலாளி சாவு

சேந்தமங்கலம் அருகே உள்ள ஜங்களாபுரம் பகுதியை சேர்ந்தவர் அங்கமுத்து (வயது73). இவர் நாமக்கல் - சேலம் சாலையில் உள்ள இரும்பு கடை ஒன்றில் காவலாளியாக வேலை பார்த்து வந்தார். கடந்த 24-ந் தேதி சேலம் சாலையில் நடந்து சென்றபோது அந்த வழியாக சென்ற மொபட் இவர் மீது மோதியது.

இதில் படுகாயம் அடைந்த அங்கமுத்துவை அக்கம்பக்கத்தில் இருந்தவர்கள் மீட்டு நாமக்கல் அரசு ஆஸ்பத்திரியில் சேர்த்தனர். பின்னர் அவர் மேல்சிகிச்சைக்காக சேலம் அரசு ஆஸ்பத்திரியில் சேர்க்கப்பட்டார்.

அங்கு சிகிச்சை பலன்இன்றி அங்கமுத்து நேற்று முன்தினம் இரவு பரிதாபமாக இறந்தார். இந்த விபத்து குறித்து அவரது மகன் சக்திவேல் (48) நாமக்கல் போலீசில் புகார் செய்தார். அதன்பேரில் போலீசார் வழக்குப்பதிவு செய்து விசாரணை நடத்தி வருகின்றனர்.