சத்தியமங்கலம் மார்க்கெட்டில் மல்லிகைப்பூ கிலோ ரூ.1,540-க்கு ஏலம்

சத்தியமங்கலம்

சத்தியமங்கலம் மார்க்கெட்டில் மல்லிகைப்பூ கிலோ ரூ.1,540-க்கு ஏலம் போனது.

மல்லிகைப்பூ

சத்தியமங்கலம் கரட்டூர் ரோட்டில் பூ மார்க்கெட் உள்ளது. இங்கு தினமும் காலை 7 மணி முதல் மதியம் 2 மணி வரை பூக்கள் ஏலம் நடைபெறும். அதன்படி நேற்று நடந்த ஏலத்துக்கு சத்தியமங்கலம் மற்றும் சுற்றுவட்டார பகுதியில் உள்ள விவசாயிகள் 3½ டன் பூக்களை கொண்டு வந்திருந்தார்கள்.

இந்த ஏலத்தில் மல்லிகைப்பூ (கிலோ) ரூ.1,540-க்கும், முல்லை ரூ.1,400-க்கும், காக்கடா ரூ.1,400-க்கும், செண்டுமல்லி ரூ.75-க்கும், பட்டுப்பூ ரூ.69-க்கும், ஜாதிமல்லி ரூ.1,250-க்கும், கனகாம்பரம் ரூ.600-க்கும், சம்பங்கி ரூ.70-க்கும், அரளி ரூ.250-க்கும், செவ்வந்தி ரூ.120-க்கும், துளசி ரூ.50-க்கும் ஏலம் போனது.

விலை உயர்வு

இதேபோல் நேற்று முன்தினம் நடந்த ஏலத்தில் மல்லிகைப்பூ ஒரு கிலோ ரூ.1557-க்கும், முல்லை ரூ.1060-க்கும், காக்கடா ரூ.1300, செண்டுமல்லி ரூ.76-க்கும், பட்டுப்பூ ரூ.35-க்கும், ஜாதிமல்லி ரூ.1000-க்கும், கனகாம்பரம் ரூ.350-க்கும், சம்பங்கி ரூ.50-க்கும், அரளி ரூ.240-க்கும், செவ்வந்தி ரூ.160-க்கும், துளசி ரூ.40-க்கும் ஏலம் போனது.

நேற்று முன்தினம் நடந்த ஏலத்தை ஒப்பிடும்போது மல்லிகைப்பூ நேற்று ஒரே நாளில் கிலோவுக்கு ரூ.17 குறைந்தது. கனகாம்பரம் ரூ.250-ம், முல்லை ரூ.240-ம், காக்கடா ரூ.100-ம், ஜாதிமல்லி ரூ.250-ம், பட்டுப்பூ ரூ.34-ம், சம்பங்கி ரூ.20-ம் விலை உயர்ந்திருந்தது.