பூணூல் அணியும் விழா

ஆவணி மாதம் அவிட்டம் நட்சத்திரத்தோடு கூடிய பவுர்ணமி நாளானது ஆவணி அவிட்டம் ஆகும். அன்றைய தினம் பூணூல் அணியும் வழக்கம் உள்ளவர்கள் சிறப்பு வழிபாடு நடத்தி புதிதாக பூணூல் அணிந்து கொள்வது வழக்கம். அதன்படி ஆவணி அவிட்டத்தையொட்டி தேனி மாவட்டத்தில் பல்வேறு இடங்களிலும் பூணூல் அணியும் விழா நடந்தது. தேனி பெத்தாட்சி விநாயகர் கோவில், வீரபாண்டி கண்ணீஸ்வரமுடையார் கோவில் ஆகிய இடங்களில் நடந்த விழாவில் பலர் புதிய பூணூல் அணிந்து வழிபாட்டில் கலந்துகொண்டனர். அதுபோல் ஆவணி அவிட்டத்தையொட்டி கோவில்களிலும் சிறப்பு வழிபாடு நடந்தது. ஆண்டிப்பட்டி அருகே ராஜக்காள்பட்டி விநாயகர் கோவிலில் சிறப்பு வழிபாடு நடந்தது. விநாயகருக்கு சிறப்பு அலங்காரம் செய்யப்பட்டு, யாக பூஜைகள் நடந்தன. இதில் ஏராளமான பக்தர்கள் கலந்துகொண்டு சாமி தரிசனம் செய்தனர்.