புதுக்குறிச்சி துணை மின் நிலைய பகுதிகளில் இன்று மின் நிறுத்தம் ரத்து

தமிழ்நாடு மின்சார வாரியத்தின் பெரம்பலூர் மாவட்டம், புதுக்குறிச்சி துணை மின் நிலையத்தில் இன்று (திங்கட்கிழமை) மாதாந்திர பராமரிப்பு பணிகள் நடைபெறுவதாகவும், இதனால் இந்த துணை மின் நிலையத்தில் இருந்து மின்சாரம் வினியோகம் பெறும் கிராமங்களில் காலை 9 மணி முதல் பராமரிப்பு பணிகள் முடியும் வரை மின்சாரம் இருக்காது என்று ஏற்கனவே அறிவிக்கப்பட்டிருந்தது. வீடு மற்றும் பொது மின் இணைப்புதாரர்களுக்கு சிறப்பு பெயர் மாற்றம் முகாம் நடக்கவுள்ளதால் பொதுமக்கள் நலன் கருதி புதுக்குறிச்சி துணை மின் நிலைய பகுதிகளில் இன்று அறிவிக்கப்பட்டிருந்த மின் நிறுத்தம் ரத்து செய்யப்படுவதாக சிறுவாச்சூர் உதவி செயற்பொறியாளர் ரவிகுமார் தெரிவித்துள்ளார்.