கோவில்பட்டி பகுதியில் புதன்கிழமை மின்தடை ஏற்படும் இடங்கள்

கோவில்பட்டி:

கோவில்பட்டி மின்வாரிய செயற்பொறியாளர் சகர்பான் விடுத்துள்ள செய்திக்குறிப்பில் கூறியிருப்பதாவது:-

பொதுமக்களுக்கு தடையில்லாத சீரான மின்சாரம் வழங்குவதற்கு ஏதுவாக, சாய்ந்த மின்கம்பங்களை நிமிர்த்தல், மின் பாதைக்கு அருகில் உள்ள மரக்கிளைகளை அகற்றுதல், பழுதடைந்த மின் கம்பங்களை மாற்றுதல் போன்ற பணிகள் நடைபெற உள்ளது. எனவே, கோவில்பட்டி துணை மின்நிலையத்தில் இருந்து மின்வினியோகம் பெறும் ஆலம்பட்டி, படர்ந்தபுளி, தோணுகால், ராமலிங்கபுரம், முத்துசாமிபுரம் பகுதிகளுக்கும், எம்.துரைச்சாமிபுரம் துணை மின்நிலையத்தில் இருந்து மின்வினியோகம் பெறும் வில்லிசேரி, மெய் தலைவன்பட்டி, கம்மாபட்டி பகுதிகளுக்கும், விளாத்திகுளம் துணை மின்நிலையத்தில் இருந்து மின்வினியோகம் பெறும் சங்கரலிங்கபுரம் பகுதிகளுக்கும் நாளை (புதன்கிழமை) காலை 9 மணி முதல் மதியம் 1 மணி வரை மின்தடை செய்யப்படுகிறது.

இவ்வாறு அவர் கூறியுள்ளார்.