கோவில்பட்டிசெண்பகவல்லி அம்மன் கோவிலில் பிரதோஷ விழா

கோவில்பட்டி:

கோவில்பட்டி செண்பகவல்லி அம்மன் உடனுறை பூவனநாத சுவாமி கோவிலில் பிரதோஷ விழா நேற்று மாலையில் நடந்தது. விழாவையொட்டி மாலை 4 மணிக்கு நடை திறக்கப்பட்டது. தொடர்ந்து பூவனநாதருக்கும், நந்தியம் பெருமானுக்கும் சிறப்பு அபிஷேகம், தீபாராதனை நடத்தப்பட்டது.

இந்த நிகழ்ச்சியில் ஆயிரக்கணக்கான பக்தர்கள் கலந்து கொண்டு சுவாமி தரிசனம் செய்தனர். பக்தர்களுக்கு கோவில் நிர்வாகம் சார்பில், நிர்வாக அதிகாரி வெள்ளைச்சாமி தலைமையில் கோவில் ஊழியர்கள் பிரசாதம் வழங்கினர்.

கோவில்பட்டி வீரவாஞ்சி நகர் சங்கர லிங்கசுவாமி சமேத சங்கரேஸ்வரி அம்மன் புற்று கோவிலில் நேற்று மாலையில்

பிரதோஷ விழா நடைபெற்றது. சங்கரலிங்க சுவாமிக்கும் நந்தியம் பெருமானுக்கும் சிறப்பு அபிஷேகம், தீபாராதனை நடத்தப்பட்டது. இதில் ஏராளமான பக்தர்கள் கலந்து கொண்டு சாமி தரிசனம் செய்தனர்.