சிவன் கோவில்களில் பிரதோஷ விழா

ஆரணி

ஆரணி, கண்ணமங்கலம் பகுதிகளில் உள்ள சிவன் கோவில்களில் பிரதோஷ விழா நடந்தது.

ஆரணி புதுகாமூர் பகுதியில் அமைந்துள்ள பெரிய நாயகி சமேத புத்திரகாமேட்டீஸ்வரர் கோவிலில் பிரதோஷ விழாவையொட்டி நந்தியம்பெருமானுக்கும், சாமிக்கும் வாசனை திரவியங்களால் சிறப்பு அபிஷேகங்கள் நடத்தப்பட்டன. பின்னர் ரிஷப வாகனத்தில் உற்சவரை மலர்களால் அலங்கரித்து சிவபுராணம் பாடியபடி கோவிலை வலம் வந்தனர். திரளான பக்தர்கள் கலந்து கொண்டு சாமி தரிசனம் செய்தனர்.

இதே போல கோட்டை கைலாயநாதர் கோவில், பூமிநாதர் கோவில், காசி விஸ்வநாதர் கோவில், பையூர் - சேவூர் விருப்பாச்சீஸ்வரர் கோவில், எஸ்.வி.நகரம் திரைகேபேஸ்வரர் கோவில், காமக்கூர் சந்திரசேகர சாமி கோவில் உள்ளிட்ட பல்வேறு சிவன் கோவில்களிலும் பிரதோஷ விழா நடைபெற்றது. திரளான பக்தர்கள் இதில் கலந்து கொண்டு சாமி தரிசனம் செய்தனர்.

இதேபோல் கண்ணமங்கலம் அருகே உள்ள கொளத்தூர் ஏகாம்பரேஸ்வரர் கோவிலில் நந்திபகவானுக்கு பிரதோஷ வழிபாட்டை முன்னிட்டு சிறப்பு அபிஷேகம் நடத்தி அலங்காரம் செய்யப்பட்டது. தொடர்ந்து பிரதோஷ நாயகர் நந்தி வாகனத்தில் உட்பிரகார உலா வந்தார்.

இதேபோல் கண்ணமங்கலம் ராமநாதீஸ்வரர் கோவிலில் நடைபெற்ற விழாவில் சாமி உட்பிரகார உலா நடைபெற்றது. இதில் திரளான பக்தர்கள் கலந்து கொண்டு சாமி தரிசனம் செய்தனர்.