புராதனவனேஸ்வரர் கோவிலில் பிரதோஷ விழா

திருச்சிற்றம்பலம் புராதனவனேஸ்வரர் கோவிலில் நேற்று பிரதோஷ விழா நடைபெற்றது. இதனை முன்னிட்டு, நந்தியெம்பெருமானுக்கு 16 வகையான வாசனை திரவியங்களை கொண்டு அபிஷேகம் நடந்தது. தொடர்ந்து நந்தியெம்பெருமானுக்கும், புராதன வனேஸ்வரருக்கும் தீபாராதனை காட்டப்பட்டது. விழாவில் திரளான பக்தர்கள் கலந்து கொண்டு சாமி தரிசனம் செய்தனர். இதற்கான ஏற்பாடுகளை கோவில் ஊழியர்கள் செய்திருந்தனர்.