கபடி போட்டியில் வெற்றி பெற்ற அணிகளுக்கு பரிசு

காரையூர் அருகே கொன்னையம்பட்டி பாறைக்களத்தில் கபடி போட்டி நடைபெற்றது. இதில் புதுக்கோட்டை, திருச்சி, திண்டுக்கல், சிவகங்கை, மதுரை மற்றும் சுற்றுவட்டார கிராமங்கள் உள்ளிட்ட பல்வேறு பகுதிகளில் இருந்து 22 அணிகள் கலந்து கொண்டு விளையாடின. போட்டிகள் பல்வேறு சுற்றுகளாக நடத்தப்பட்டது. இதில் முதல் பரிசை கொன்னையம்பட்டி அணியினரும், இரண்டாம் பரிசை கல்லமேடு அணியினரும், மூன்றாம் பரிசை வையாபுரி அணியினரும், நான்காம் பரிசை திண்டுக்கல் அணியினரும் பெற்றனர். பின்னர் போட்டியில் வெற்றி பெற்ற அணிகளுக்கு பரிசுகள் மற்றும் சிறந்த வீரர்களுக்கு பரிசுகள் வழங்கப்பட்டது. இந்த போட்டியை கொன்னையம்பட்டி, காரையூர் சுற்று வட்டார கிராமங்களை சேர்ந்த திரளான பொதுமக்கள் கண்டு களித்தனர்.