நலத்திட்ட உதவிகள் வழங்கும் நிகழ்ச்சி

திருவெண்காடு:

திருவெண்காட்டில் சீர்காழி கிழக்கு ஒன்றிய தி.மு.க. சார்பில் இளைஞரணி செயலாளர் உதயநிதி ஸ்டாலின் எம்.எல்.ஏ. பிறந்தநாளையொட்டி அண்ணா சிலைக்கு மாலை அணிவித்து நலத்திட்ட உதவிகள் வழங்கும் நிகழ்ச்சி நேற்று நடந்தது. நிகழ்ச்சிக்கு ஒன்றிய அவைத்தலைவர் நெடுஞ்செழியன் தலைமை தாங்கினார். ஒன்றிய நிர்வாகிகள் ரவிச்சந்திரன், உதயராணி உத்தரமூர்த்தி, சுதாகர், கணேசன், தமிழரசன் ஆகியோர் முன்னிலை வகித்தனர். சீர்காழி கிழக்கு ஒன்றிய தி.மு.க. செயலாளர் பஞ்சு குமார் வரவேற்றார். இதில் தலைமை செயற்குழு உறுப்பினர் முத்து மகேந்திரன் கலந்து கொண்டு அண்ணா சிலைக்கு மாலை அணிவித்து, பயனாளிகளுக்கு நலத்திட்ட உதவிகளை வழங்கினார். நிகழ்ச்சியில் முன்னாள் ஒன்றியக்குழு தலைவர் ரவி, மாவட்ட மீனவர் அணி அமைப்பாளர் தேசப்பன், மாவட்ட கவுன்சிலர் ஆனந்தன், முன்னாள் கட்சி நிர்வாகிகள் மணிமேகலை, சி.கே. பாண்டியன், வக்கீல் வினோத், வானகிரி மீனவர் கிராம தலைவர் ராஜா, முத்தமிழ் உள்ளிட்ட திரளான தி.மு.க.வினர் கலந்து கொண்டனர். முடிவில் ஒன்றிய மாணவர் அணி துணை அமைப்பாளர் தினகரன் நன்றி கூறினார்.