விவசாயிகளுக்கு விதை நெல் வழங்கப்பட்டது

சோளிங்கர் வேளாண்மை உதவி இயக்குனர் அலுவலகத்தில் விவசாயிகளுக்கு சீரக சம்பா விதை நெல் வழங்கும் நிகழ்ச்சி நடைபெற்றது. நிகழ்ச்சிக்கு வேளாண்மை உதவி இயக்குனர் (பொறுப்பு) பாலாஜி தலைமை தாங்கினார். தோட்டக்கலை உதவி இயக்குனர் பெருமாள், தோட்டக்கலை துணை அலுவலர் ஜெயச்சந்திரன் ஆகியோர் முன்னிலை வகித்தனர். வேளாண்மை துணை அலுவலர் மாபூக்கான் வரவேற்றார். சிறப்பு அழைப்பாளராக சோளிங்கர் ஊராட்சி ஒன்றியக் குழு தலைவர் கலைக்குமார் கலந்துகொண்டு 50 சதவீத மானியத்தில் பத்து விவசாயிகளுக்கு தலா இரண்டு மூட்டை (20 கிலோ) சீரக சம்பா நெல் விதையை வழங்கினார். உதவி வேளாண்மை அலுவலர்கள், தோட்டக்கலை அலுவலக பணியாளர்கள் விவசாயிகள் உடன் இருந்தனர்.