யூனியன் அலுவலகத்தில் திட்ட ஆய்வு கூட்டம்

இட்டமொழி:

நாங்குநேரி யூனியன் அலுவலகத்தில் பஞ்சாயத்து தலைவர்கள், ஊராட்சி செயலர்கள் மற்றும் அனைத்து நிலை பணியாளர்களுக்கான திட்ட ஆய்வு கூட்டம் நடைபெற்றது. மாவட்ட கலெக்டர் கார்த்திகேயன் தலைமை தாங்கி கூட்டத்தை நடத்தினார். இதில் மாவட்ட ஊரக வளர்ச்சி முகமை திட்ட இயக்குனர் சுரேஷ், உதவி திட்ட அலுவலர் சுமதி, ஊராட்சிகளின் உதவி இயக்குனர் அனிதா, உதவி இயக்குனர் (தணிக்கை) இசக்கியப்பன், நாங்குநேரி யூனியன் ஆணையாளர் சங்கரகுமார், வட்டார வளர்ச்சி அலுவலர் ஸ்ரீகாந்த், யூனியன் துணைத்தலைவர் இசக்கிப்பாண்டி ஆகியோர் கலந்து கொண்டனர். கூட்டத்தில் யூனியனுக்கு உட்பட்ட பகுதிகளில் குடிநீர் பிரச்சினைகள், அனைத்து கிராம அண்ணா மறுமலர்ச்சி திட்டப்பணிகள், சாதிய நல்லிணக்கம் தொடர்பாக விவாதிக்கப்பட்டது.