சொத்து தகராறு; கட்டையால் தாக்கியதில் வாலிபர் படுகாயம்

ஆலங்குடி அருகே தவளைப்பள்ளம் நடுத்தெருவை சேர்ந்தவர் பெரியதம்பி மகன் ஜான்போஸ்கோ (வயது 25). அதே பகுதியை சேர்ந்தவர் செல்வராஜ் (48). இவர்களுக்கு இடையே சொத்து தகராறு இருந்து வந்தது. இந்நிலையில் இருவருக்கும் வாய்த்தகராறு ஏற்பட்டது. இதில் ஆத்திரமடைந்த செல்வராஜ் கட்டையை எடுத்து ஜான்போஸ்கோ தலையில் தாக்கினார். இதைப்பார்த்த அக்கம் பக்கத்தினர் அவரை மீட்டு சிகிச்சைக்காக புதுக்கோட்டை அரசு மருத்துவக்கல்லூரி மருத்துவமனையில் சேர்த்தனர். இதுகுறித்த புகாரின் பேரில், ஆலங்குடி போலீசார் வழக்குப்பதிவு செய்து, செல்வராஜை கைது செய்து விசாரணை நடத்தி வருகின்றனர்.