கோழிப்பண்ணை அமைக்க பொதுமக்கள் எதிர்ப்பு

திருமக்கோட்டை:

திருவாரூர் மாவட்டம், திருமக்கோட்டை அருகே உள்ள பாலையூர்நத்தம் கிராமத்தில் கோழி பண்ணை அமைக்க முயற்சிகள் மேற்கொள்ளப்படுவதாக அப்பகுதி மக்களுக்கு தெரிய வந்தது. இதற்கு எதிர்ப்பு தெரிவித்த அவர்கள் மன்னார்குடி கோட்டாட்சியரிடம் ஒரு மனு அளித்தனர். அதில், பாலையூர் நத்தம் பகுதியில் 50-க்கும் அதிகமான குடும்பத்தினர் வசித்து வருகின்றனர். இங்கு கோழிப்பண்ணை அமைந்தால் சுகாதாரம் கெட்டு நோய்கள் ஏற்படும். ஆகவே, எங்கள் கிராமத்தில் கோழிப்பண்ணை அமைக்கக் கூடாது என்று தெரிவித்திருந்தனர்.