சின்னாங்குப்பம் ஊராட்சியில் தூய்மை விழிப்புணர்வு ஊர்வலம்

அரூர்:

அரூர் ஊராட்சி ஒன்றியம் சின்னாங்குப்பம் ஊராட்சியில் உலக கழிப்பறை தினத்தையொட்டி தூய்மை குறித்த விழிப்புணர்வு ஊர்வலம் நடந்தது. ஊராட்சி மன்ற தலைவர் குமரவேல் தலைமை தாங்கி ஊர்வலத்தை தொடங்கி வைத்தார். ஊராட்சி மன்ற அலுவலகம் அருகே தொடங்கிய ஊர்வலம் முக்கிய வீதிகள் வழியாக சென்று அரசு உயர்நிலைப்பள்ளியில் முடிவுற்றது. இதில் பள்ளி தலைமை ஆசிரியர் ஸ்ரீதர், பாபு மற்றும் ஆசிரியர்கள், மாணவ, மாணவிகள் உள்பட பலர் கலந்து கொண்டனர்.