மொபட்டில் ரேஷன் அரிசி கடத்தியவர் கைது

சேலம் உணவு கடத்தல் தடுப்பு பிரிவு போலீஸ் சப்-இன்ஸ்பெக்டர் பெரியசாமி மற்றும் போலீசார் நேற்று குகை பகுதியில் வாகன சோதனையில் ஈடுபட்டனர். அப்போது அந்த வழியாக மொபட்டில் வந்தவரை பிடித்து போலீசார் விசாரணை நடத்தினர். அவர் அதே பகுதியை சேர்ந்த கண்ணன் (வயது 48) என்பதும், ரேஷன் அரிசி கடத்தியதும் தெரியவந்தது. இதையடுத்து போலீசார் கண்ணனை கைது செய்தனர். மேலும் அவரிடம் இருந்து 100 கிலோ ரேஷன் அரிசி மற்றும் மொபட் ஆகியவற்றை போலீசார் பறிமுதல் செய்தனர்.