ரேஷன் அரிசி கடத்தியவர் கைது

நெல்லை குடிமை பொருள் வழங்கல் குற்றப்புலனாய்வுத் துறை போலீஸ் இன்ஸ்பெக்டர் கலா, சப்-இன்ஸ்பெக்டர் மகேஸ்வரன் மற்றும் போலீசார் மானூர் பகுதியில் வாகன சோதனையில் ஈடுபட்டனர். அப்போது அந்த வழியாக வந்த ஒரு காரில் 1,250 கிலோ ரேஷன் அரிசி கடத்தி வரப்பட்டது தெரியவந்தது. உடனே போலீசார் ரேஷன் அரிசி கடத்தியதாக கயத்தாறு பன்னீர்குளம் பகுதியை சேர்ந்த சுரேசை கைது செய்தனர். மேலும் அவரிடம் இருந்து அரிசியையும், காரையும் பறிமுதல் செய்தனர். மேலும் இந்த வழக்கில் தொடர்புடைய பல்லிக்கோட்டையை சேர்ந்த வடிவேலு என்பவரை தேடி வருகிறார்கள்.