ரேஷன் அரிசி கடத்தியவர் கைது

புதுக்கோட்டை குடிமை பொருள் வழங்கல் குற்றப்புலனாய்வுத்துறை போலீசார் கறம்பக்குடி பகுதியில் ரோந்து பணியில் ஈடுபட்டிருந்தனர். அப்போது கறம்பக்குடி புளியஞ்சோலை தெருவில் வாகன சோதனை செய்த போது கறம்பக்குடியை சேர்ந்த முருகேசன் (வயது 45) என்பவர் ரேஷன் அரிசி மூட்டைகளை கடத்தி சென்றது தெரியவந்தது. இதையடுத்து போலீசார் அவரை கைது செய்தனர். மேலும் அவர் கடத்தி வந்து பதுக்கி வைத்த சுமார் 1 டன் ரேஷன் அரிசி மூட்டைகளை பறிமுதல் செய்தனர். இதேபோல கடத்தலுக்கு பயன்படுத்தப்பட்ட மொபட்டும் பறிமுதல் செய்யப்பட்டது.