கிராம ஊராட்சிகளில் மகளிர் திட்ட இயக்குனர் ஆய்வு

இளையான்குடி,

இளையான்குடி ஊராட்சி ஒன்றியத்தில் தமிழ்நாடு மாநில ஊரக வாழ்வாதார திட்டத்தின் மூலமாக கிராம ஊராட்சி அளவிலான கூட்டமைப்பு செயல்பாடுகள் மற்றும் உற்பத்தியாளர் குழுவின் செயல்பாடுகளை மகளிர் திட்ட இயக்குனர் ஆய்வு மேற்கொண்டார். அ.மெய்யனேந்தல், நெடுங்குளம் ஆகிய கிராம ஊராட்சிகளில் மகளிர் திட்ட செயல்பாடுகள் குறித்து மகளிர் திட்ட இயக்குனர் வானதி ஆய்வுகள் மேற்கொண்டார். இளையான்குடி வட்டார இயக்க மேலாண்மை அலுவலகத்தில் பாரம்பரிய உணவு திருவிழாவில் மகளிர் திட்ட இயக்குனர் வானதி கலந்து கொண்டு சிறப்பித்தார். இந்நிகழ்வில் உதவி திட்ட இயக்குனர்கள் குபேந்திரன், சித்ராதேவி ஆகியோர் கலந்து கொண்டனர்.

விழா ஏற்பாடுகளை வட்டார இயக்க மேலாளர் சுந்தரமூர்த்தி மற்றும் வட்டார ஒருங்கிணைப்பாளர்கள் செய்திருந்தனர்.