ஜோலார்பேட்டையில் வட்டார அளவிலான கலைவிழா

திருப்பத்தூர் மாவட்டம் ஜோலார்பேட்டையில் உள்ள அரசு மாதிரி மேல்நிலைப்பள்ளியில் ஜோலார்பேட்டை வட்டார அளவிலான கலைவிழா நடைபெற்றது. இதில் ஜோலார்பேட்டை வட்டாரத்திற்கு உட்பட்ட அனைத்து அரசு நடுநிலை, உயர்நிலை, மேல்நிலைப்பள்ளி மாணவ-மாணவிகள் பங்கேற்றனர்.

மேலும் இந்த போட்டியில் தோல் கருவி, தந்திக்கருவி, காற்றுக்கருவி, இசை சங்கமம், இசை-வாய்ப்பாட்டு ஆகியவை 6-ம் வகுப்பு முதல் 12-ம் வகுப்பு வரை உள்ள மாணவர்களுக்கு ஒவ்வொரு வகையிலும், ஒவ்வொரு பிரிவிலும் இடம்பெறும் கருவிகளின் பட்டியல் அடிப்படையில் போட்டிகள் நடைபெற்றது. சிறப்பு அழைப்பாளராக க.தேவராஜி எம்.எல்.ஏ. கலந்துகொண்டு குத்துவிளக்கு ஏற்றி விழாவை தொடங்கி வைத்து பேசினார். மேலும் கலை துறையில் சிறந்து விளங்கிய பயிற்றுநர்களுக்கு பாராட்டு சான்றிதழ்களை வழங்கினார்.

முன்னதாக பள்ளி தலைமை ஆசிரியர் ஐ.ஆஜம் வரவேற்றார். இதில் கலைவிழா போட்டியின் மேற்பார்வையாளர் தமிழரசி, ஜோலார்பேட்டை நகர செயலாளர் ம.அன்பழகன், ஜோலார்பேட்டை நகரமன்ற தலைவர் காவியாவிக்டர், துணைத்தலைவர் இந்திரா பெரியார்தாசன், முன்னாள் நகரமன்ற துணைத்தலைவர் சி.எஸ்.பெரியார்தாசன், துறை சார்ந்த அலுவலர்கள், பள்ளியில் ஆசிரியர்கள், மாணவர்கள் என பலர் கலந்துகொண்டனர்.