ஸ்ரீரங்கத்தில் ஆக்கிரமிப்புகள் அகற்றம்

ஸ்ரீரங்கம் அம்மாமண்டம் பகுதியில் போக்குவரத்துக்கு இடையூறாகவும், விபத்துகளை ஏற்படுத்தும் வகையிலும் ஆக்கிரமிப்புகள் உள்ளதாக திருச்சி மாநகராட்சி அதிகாரிகளுக்கு புகார்கள் வந்தன. இதனையடுத்து மாநகராட்சி கமிஷனர் வைத்தியநாதன் உத்தரவின் பேரில் ஸ்ரீரங்கம் மண்டல உதவி கமிஷனர் ரவி மேற்பார்வையில் மாநகராட்சி ஊழியர்கள் பொக்லைன் எந்திரம் மூலம் ஆக்கிரமிப்புகளை அகற்றினர். ஆக்கிரமிப்பு அகற்றத்தின் போது, அசம்பாவித சம்பவங்கள் நடைபெறாமல் இருப்பதற்காக போலீஸ் பாதுகாப்பு போடப்பட்டு இருந்தது.