ரூ.8 கோடியில் மேல்நிலை நீர்த்தேக்க தொட்டி

சேலம் மாநகராட்சி சூரமங்கலம் மண்டலம் சாமிநாதபுரம் துரைசாமி லே- அவுட்டில் ஸ்மார்ட்சிட்டி திட்டத்தின் கீழ் ரூ.8 கோடியே 20 லட்சத்தில் 10 லட்சம் லிட்டர் கொள்ளளவு கொண்ட மேல்நிலை நீர்தேக்கத்தொட்டி கட்டப்படுகிறது. இந்த பணியை மேயர் ராமச்சந்திரன், ஆணையாளர் கிறிஸ்துராஜ் ஆகியோர் நேரில் பார்வையிட்டு ஆய்வு நடத்தினர்.

தொடர்ந்து பள்ளப்பட்டி நகர்ப்புர ஆரம்ப சுகாதார நிலையம், அம்மாப்பேட்டை மண்டலம் 39-வது வார்டுக்குட்பட்ட நந்தனார் தெருவில், ரூ.11 லட்சத்து 12 ஆயிரத்தில் நடைபெற்று வரும் சாலை பணியை பார்வையிட்டனர். இதே போன்று மாநகர் பகுதியில் நடைபெற்று வரும் பல்வேறு பணிகளை அவர்கள் பார்வையிட்டனர். இந்த ஆய்வில் மண்டல குழுத்தலைவர் தனசேகர், மாநகர நல அலுவலர் யோகானந், துணை ஆணையாளர் அசோக்குமார் உள்பட பலர் உடனிருந்தனர்.