மொபட்டில் இருந்து தவறி விழுந்து முதியவர் பலி

ஒரத்தநாடு;

ஒரத்தநாட்டை அடுத்துள்ள வடசேரி அம்பேத்கர் நகர் பகுதியை சேர்ந்தவர் நடேசன் (வயது70). கூலித்தொழிலாளி. இவர் சம்பவத்தன்று மொபட்டில் புறப்பட்டு ஒரத்தநாட்டுக்கு வந்து கொண்டிருந்தார். பூவத்தூர் அருகே அவர் வந்த போது நிலைதடுமாறி மோட்டார் சைக்கிளில் இருந்து கீழே விழுந்தார்.

இதில் படுகாயம் அடைந்த நடேசனை அக்கம்பக்கத்தினர் மீட்டு தஞ்சை அரசு மருத்துவக்கல்லூரி ஆஸ்பத்திரியில் சிகிச்சைக்காக சேர்த்தனர். அங்கு சிகிச்சை பெற்று வந்த நடேசன் சிகிச்சை பலனின்றி நேற்று முன்தினம் பரிதாபமாக இறந்தார். இதுகுறித்து ஒரத்தநாடு போலீசார் வழக்குப்பதிவு செய்து விசாரணை நடத்தி வருகின்றனர்.