சாலை பாதுகாப்பு வார விழிப்புணர்வு ஊர்வலம்

திருவண்ணாமலை கலெக்டர் அலுவலக நுழைவாயிலில் தூய்மை வார விழா 2023-ன் கீழ் சாலை பாதுகாப்பு வாரத்தை முன்னிட்டு விழிப்புணர்வு ஊர்வலம் மற்றும் போக்குவரத்து துறை மூலம் ஏற்பாடு செய்யப்பட்ட சாலை பாதுகாப்பு விழிப்புணர்வு கண்காட்சி பஸ்சை கலெக்டர் முருகேஷ் கொடியசைத்து தொடங்கி வைத்து பார்வையிட்டார்.

இதில் திருவண்ணாமலை வட்டார போக்குவரத்து அலுவலகம் சார்பில் நடத்தப்பட்ட தலைக்கவசம் மற்றும் சீட் பெல்ட் குறித்த சாலை பாதுகாப்பு வார விழிப்புணர்வு ஊர்வலத்தில் பயிற்சி பள்ளி வாகன விற்பனை முகவர்கள் மற்றும் பொதுமக்கள் 300-க்கு மேற்பட்டவர்கள் கலந்து கொண்டனர்.

இதில் மாவட்ட போலீஸ் சூப்பிரண்டு கார்த்திகேயன், வட்டார போக்குவரத்து அலுவலர்கள் சிவகுமார், சரவணன், தமிழ்நாடு அரசு போக்குவரத்து கழக பொது மேலாளர் வெங்கடேசன், மோட்டார் வாகன ஆய்வாளர் பெரியசாமி மற்றும் அரசு அலுவலர்கள் உடன் இருந்தனர்.