கொங்கணாபுரம் வாரச்சந்தையில் ரூ.5 கோடிக்கு வர்த்தகம்

எடப்பாடி,

எடப்பாடியை அடுத்த கொங்கணாபுரத்தில் நேற்று வாரச்சந்தை கூடியது. இந்த சந்தையில் மொத்தம் 6 ஆயிரத்து 200 ஆடுகள், 3 ஆயிரம் கோழி மற்றும் சேவல்களை கால்நடை வளர்ப்போர் விற்பனைக்கு கொண்டு வந்திருந்தனர். இதில் 10 கிலோ எடை கொண்ட ஆடு ரூ.5 ஆயிரம் முதல் ரூ.6 ஆயிரத்து 500 வரையும், 20 கிலோ எடை கொண்ட ஆடு ரூ.10 ஆயிரத்து 200 முதல் ரூ.12 ஆயிரத்து 600 வரையும், வளர்ப்பு குட்டி ஆடுகள் ரூ.2 ஆயிரத்து 500 முதல் ரூ.3 ஆயிரத்து 500 வரையும் விற்பனை செய்யப்பட்டது.

மேலும் சந்தைக்கு 100 டன் காய்கறிகள் விற்பனைக்காக கொண்டு வரப்பட்டு இருந்தன. இதன்மூலம் நேற்று மட்டும் சந்தையில் ரூ.5 கோடிக்கு வர்த்தகம் நடந்ததாக வியாபாரிகள் தெரிவித்தனர்.