மகளிர் சுய உதவிக்குழுக்களின் பொருட்கள் விற்பனை கண்காட்சி

தமிழ்நாடு மாநில ஊரக, நகர்ப்புற வாழ்வாதார இயக்கம், அனைத்து மாநில சுய உதவிக்குழுக்களின் சிறப்பு வாய்ந்த மற்றும் தரமுள்ள பொருட்களை விற்பனை செய்ய சாராஸ் மேளா விற்பனை கண்காட்சி வருகிற 29-ந் தேதி முதல் அடுத்த மாதம் மே 15-ந் தேதி வரை சென்னை தீவுத்திடலில் நடைபெற உள்ளது.

மேற்படி சாராஸ் மேளா விற்பனை கண்காட்சியில் கலந்து கொள்ள விருப்பம் உள்ள திருப்பத்தூர் மாவட்ட மகளிர் சுய உதவிக்குழுக்கள் வருகிற 17-ந் தேதிக்குள் தமிழ்நாடு மாநில ஊரக, நகர்ப்புற வாழ்வாதார இயக்கம், மூன்றாவது தளம் சி-பிரிவு மாவட்ட கலெக்டர் அலுவலகம் திருப்பத்தூர் என்ற முகவரியில் செயல்படும் மகளிர் திட்ட அலுவலகத்தில் நேரிலும், 9444094177 என்ற செல்போன் எண்ணிலும் பதிவு செய்து கொள்ளலாம்.

இந்த தகவலை கலெக்டர் பாஸ்கர பாண்டியன் தெரிவித்துள்ளார்