சேலம் புத்தக கண்காட்சி 4-ந் தேதி வரை நீட்டிப்பு-கலெக்டர் கார்மேகம் தகவல்

சேலம் மாவட்டத்தில் பொதுமக்கள் மற்றும் பள்ளி, கல்லூரி மாணவ, மாணவிகள் பயன்பெறும் வகையில் மாவட்ட நிர்வாகம் மற்றும் தென்னிந்திய புத்தக விற்பனையாளர், பதிப்பாளர் சங்கம் இணைந்து சேலம் புதிய பஸ்நிலையம் அருகே உள்ள மாநகராட்சி திடலில் கடந்த 20-ந் தேதி முதல் புத்தக கண்காட்சியை நடத்தி வருகிறது. இதில் 210 அரங்குகள் அமைக்கப்பட்டுள்ளன. பள்ளி, கல்லூரி மாணவ, மாணவிகள், பொதுமக்கள் உள்பட பலர் புத்தக கண்காட்சிக்கு வந்து ஆர்வமுடன் பார்வையிடுவதுடன் புத்தகங்களை வாங்கி செல்கின்றனர். இந்த நிலையில் புத்தக வாசிப்பாளர்கள், பொதுமக்களின் கோரிக்கையை ஏற்று சேலம் புத்தக கண்காட்சி வருகிற 4-ந் தேதி வரை நீட்டிக்கப்பட்டுள்ளது என்று கலெக்டர் கார்மேகம் தெரிவித்துள்ளார்.