தொகரப்பள்ளி காப்புக்காட்டில் மரக்கன்றுகள் நடும் பணிமதியழகன் எம்.எல்.ஏ. தொடங்கி வைத்தார்

கிருஷ்ணகிரி

ஓசூர் வனக்கோட்டத்தில் தரம் குன்றிய காடுகளை மேம்படுத்த நபார்டு திட்டத்தின் மூலம் 4 லட்சத்து 20 ஆயிரம் மரக்கன்றுகளை காப்புக்காடுகளில் நடவு செய்ய திட்டமிடப்பட்டது. அதன்படி நேற்று கிருஷ்ணகிரி வனச்சரகம், தொகரப்பள்ளி காப்புக்காட்டில் மதியழகன் எம்.எல்.ஏ. மரக்கன்றுகளை நடும் பணியை தொடங்கி வைத்தார். தொடர்ந்து கிருஷ்ணகிரி வனச்சரகம், வேப்பனப்பள்ளி, மகாராஜகடை, பர்கூர் சுற்று வட்டாரங்களில், யானைகள் நடமாட்டம் உள்ள காப்புக்காடுகளை ஒட்டியுள்ள 100 விவசாயிகளுக்கு இரவு நேரங்களில் யானைகள் நடமாட்டத்தை அறிந்து கொள்ளும் வகையில், வனத்துறை மூலம் வழங்கப்பட்ட, டார்ச் லைட்டுகளை வழங்கினார்.

இந்த நிகழ்ச்சியில் ஓசூர் வனக்கோட்ட உதவி வனப்பாதுகாவலர் ராஜமாரியப்பன், வனவர்கள் சம்பத்குமார், வெங்கடாசலம், பிரவின்ராஜ், வனக்காப்பாளர்கள், வனக்காவலர்கள், வேட்டைத்தடுப்பு காவலர்கள் மற்றும் கிருஷ்ணகிரி தி.மு.க., கிழக்கு மாவட்ட அவைத்தலைவர் தட்ரஅள்ளி நாகராஜ், மாநில விவசாய அணி துணைச்செயலாளர் டேம் வெங்கடேசன், கிருஷ்ணகிரி நகர செயலாளர் நவாப் மற்றும் தி.மு.க., நிர்வாகிகள் பொதுமக்கள் கலந்து கொண்டனர்.