சத்தியமங்கலம் மார்க்கெட்டில் கனகாம்பரம் கிலோ ரூ.1,420-க்கு ஏலம்

சத்தியமங்கலம்

சத்தியமங்கலம் மார்க்கெட்டில் கனகாம்பரம் பூ கிலோ ஒன்று ரூ.1,420-க்கு ஏலம் போனது. ஒரே நாளில் 600 ரூபாய் விலை உயர்ந்து விற்பனை ஆனதால் விவசாயிகள் மகிழ்ச்சி அடைந்தனர்.

பூக்கள் ஏலம்

சத்தியமங்கலத்தில் உள்ள கரட்டூர் ரோட்டில் பூ மார்க்கெட் செயல்பட்டு வருகிறது. இந்த மார்க்கெட்டில் தினமும் காலை 7 மணி முதல் மதியம் 2 மணி வரை பூக்கள் ஏலம் நடைபெறும். அதன்படி நேற்று வழக்கம்போல் பூக்கள் ஏலம் நடைபெற்றது. இந்த ஏலத்துக்கு சத்தியமங்கலம் மற்றும் அதன் சுற்றுவட்டார பகுதிகளில் இருந்து ஏராளமான விவசாயிகள் 3½ டன் பூக்களை விற்பனைக்காக கொண்டு வந்திருந்தனர்.

கனகாம்பரம் பூ கிலோ ரூ.1,420-க்கு ஏலம்

நேற்றைய ஏலத்தில் மல்லிகைப்பூ கிலோ ரூ.1,155-க்கும், முல்லை ரூ.600-க்கும், காக்கடா ரூ.600-க்கும், செண்டுமல்லி ரூ.87-க்கும், பட்டுப்பூ ரூ.60-க்கும், ஜாதிமல்லி ரூ.600-க்கும், கனகாம்பரம் ரூ.1,420-க்கும், சம்பங்கி ரூ.70-க்கும், அரளி ரூ.320-க்கும், துளசி ரூ.40-க்கும், செவ்வந்தி ரூ.200-க்கும் ஏலம் போனது.

நேற்று முன்தினம் நடந்த ஏலத்தில் மல்லிைகப்பூ கிலோ ரூ.1,225-க்கும், முல்லை ரூ.800-க்கும், காக்கடா ரூ.600-க்கும், செண்டுமல்லி ரூ.95-க்கும், பட்டுப்பூ ரூ.155-க்கும், ஜாதிமல்லி ரூ.600-க்கும், கனகாம்பரம் ரூ.820-க்கும், சம்பங்கி ரூ.90-க்கும், அரளி ரூ.300-க்கும், துளசி ரூ.40-க்கும், செவ்வந்தி ரூ.220-க்கும் ஏலம் போனது.

மகிழ்ச்சி

நேற்று முன்தினத்தை விட நேற்று கனகாம்பரம் கிலோ ஒன்று ரூ.600 விலை உயர்ந்து விற்பனை ஆனதால் விவசாயிகள் மகிழ்ச்சி அடைந்தனர்.

இதுகுறித்து பூ மார்க்கெட் சங்க நிர்வாகிகள் கூறுகையில், 'கனகாம்பரம் பூ வரத்து குறைந்து காணப்பட்டது. ஆனால் தேவை அதிகமாக இருந்தது. இதனால் போட்டி போட்டு கனகாம்பரம் பூவை வியாபாரிகள் ஏலம் எடுத்ததால் விலை உயர்ந்து விற்பனை ஆனது,' என்றனர்.