திண்டிவனம் அருகேலாரி மோதி காவலாளி பலி

திண்டிவனம்,

திண்டிவனம் அடுத்த வெள்ளிமேடு பேட்டை பகுதியை சேர்ந்தவர் ஜெகநாதன் மகன் மணிகண்டன் (வயது 44). காவலாளியாக வேலை பார்த்து வந்தார். நேற்று முன்தினம் இரவு, தனது வேலையை முடித்துக்கொண்டு வெள்ளிமேடு பேட்டைக்கு மொபட்டில் சென்று கொண்டிருந்தார். அப்போது வெள்ளிமேடு பேட்டையில் உள்ள ஒரு திருமணமண்டபம் அருகே சென்ற போது, எதிரே வந்த லாரி அவர் மீது மோதியது. இதில் படுகாயமடைந்த அவர் திண்டிவனம் அரசு மருத்துவமனையில் சிகிச்சைக்காக சேர்க்கப்பட்டார். அங்கு சிகிச்சை பலனின்றி அவர் பரிதாபமாக இறந்து போனார். இது குறித்த புகாரின் பேரில் வெள்ளிமேடு பேட்டை போலீசார் வழக்குப்பதிவு செய்து விசாரணை நடத்தி வருகிறார்கள்.