2 இடங்களில் 20 யூனிட் மணல் பறிமுதல்

காட்பாடி அருகே பிரம்மபுரம் பகுதியில் உள்ள காலிமனைகளில் பாலாற்றில் இருந்து மாட்டு வண்டியில் மணல் கடத்தி வந்து குவித்து வைத்து இருப்பதாக காட்பாடி தாசில்தார் ஜெகதீஸ்வரனுக்கு தகவல் கிடைத்தது. அதன்பேரில் தாசில்தார் ஜெகதீஸ்வரன் சம்பவ இடத்திற்கு வந்து பார்வையிட்டார். அப்போது 2 இடங்களில் 20 யூனிட் மணலை மாட்டு வண்டிகளில் கொண்டு வந்து குவித்து இருப்பது தெரியவந்தது. இதையடுத்து மணலை வருவாய்த்துறையினர் பறிமுதல் செய்தனர். பறிமுதல் செய்த மணல் பொதுப்பணித்துறை அதிகாரிகளிடம் ஒப்படைக்கப்பட்டது.