வீரர்-வீராங்கனைகள் தேர்வு

மாநில அளவிலான 18-வது சப்-ஜூனியர் எறிபந்து போட்டி, திருவண்ணாமலை மாவட்டத்தில் அடுத்த மாதம் 9-ந்தேதி முதல் 11-ந்தேதி வரை நடக்கிறது. இப்போட்டியில் திண்டுக்கல் மாவட்ட எறிபந்து அணி பங்கேற்று விளையாடுகிறது. இதில் பங்கேற்கும் அணி வீரர்-வீராங்கனைகளுக்கான தேர்வு, திண்டுக்கல் ஏ.கே.வி. வித்யாலயா பள்ளி மைதானத்தில் நடந்தது. இதில் 20-க்கும் மேற்பட்ட பள்ளி விளையாட்டு வீரர்கள் பங்கேற்றனர். அவர்களுக்கு போட்டிகள் நடத்தப்பட்டு வீரர்-வீராங்கனைகள் தேர்வு செய்யப்பட்டனர். பின்னர் இதில் வெற்றிபெற்ற வீரர்களுக்கு சான்றிதழ் வழங்கப்பட்டது.