தனித்தனி விபத்து; 2 பேர் பலி

செஞ்சி:

செஞ்சி அருகே உள்ள ஊரணித்தாங்கல் கிராமத்தை சேர்ந்தவர் ரங்கநாதன்(வயது 50). விவசாயி. இவர் இன்று காலை ஊரணித்தாங்கலில் இருந்து தனது மொபட்டில் செஞ்சிக்கு புறப்பட்டார். ஊரணித்தாங்கல் பஸ் நிறுத்தம் அருகே சென்றபோது பின்னால் வந்த கார், மொபைட் மீது மோதியது. இதில் ரங்கநாதன் பலியானார். இது குறித்த புகாரின் பேரில் செஞ்சி போலீசார் வழக்குப்பதிவு செய்து விசாரணை நடத்தி வருகின்றனர்.

விழுப்புரம் அனிச்சம்பாளையம் சாலை அண்ணா நகர் பகுதியை சேர்ந்தவர் ஜோதி (58). இவர் நேற்று இரவு வளவனூர் பஸ் நிறுத்தம் அருகில் சாலையை கடந்து செல்ல முயன்றார். அப்போது புதுச்சேரியில இருந்து விழுப்புரம் மார்க்கமாக சென்ற கன்டெய்னர் லாரி ஒன்று, ஜோதியின் மீது மோதியதில் பலத்த காயமடைந்த அவர் சம்பவ இடத்திலேயே பரிதாபமாக இறந்தார். இதுகுறித்த புகாரின்பேரில் வளவனூர் போலீசார் வழக்குப்பதிவு செய்து விசாரணை நடத்தி வருகின்றனர்.