தர்மபுரி ஏல அங்காடிக்கு பட்டுக்கூடுகள் வரத்து அதிகரிப்பு

தர்மபுரி:

தர்மபுரியில் பட்டு வளர்ச்சி துறை சார்பில் செயல்பட்டு வரும் பட்டுக்கூடுகள் ஏல அங்காடிக்கு பல்வேறு மாவட்டங்களில் இருந்து விவசாயிகள் பட்டுக்கூடுகளை விற்பனைக்கு கொண்டு வருகிறார்கள். இந்த அங்காடிக்கு நேற்று வழக்கத்தை விட பட்டுக்கூடுகள் வரத்து அதிகரித்தது. அதன்படி 3 ஆயிரத்து 400 கிலோ பட்டுக்கூடுகளை விவசாயிகள் விற்பனைக்காக கொண்டு வந்தனர். இதில் பட்டுக்கூடு ஒரு கிலோ அதிகபட்சமாக ரூ.735-க்கும், குறைந்தபட்சமாக ரூ.307-க்கும், சராசரியாக ரூ.576.12-க்கும் பட்டுக்கூடுகள் விற்பனையானது. மொத்தம் ரூ.19 லட்சத்து 58 ஆயிரத்து 833 மதிப்பில் பட்டுக்கூடுகள் விற்பனை செய்யப்பட்டது.