தர்மபுரி ஏல அங்காடிக்கு பட்டுக்கூடு வரத்து அதிகரிப்பு

தர்மபுரி:

தர்மபுரியில் பட்டு வளர்ச்சி துறை சார்பில் செயல்பட்டு வரும் பட்டுக்கூடுகள் ஏல அங்காடிக்கு பல்வேறு மாவட்டங்களில் இருந்து விவசாயிகள் பட்டுக்கூடுகளை விற்பனைக்கு கொண்டு வருகிறார்கள். இந்த அங்காடிக்கு நேற்று முன்தினம் 940 கிலோ பட்டுக்கூடு விற்பனைக்காக கொண்டு வரப்பட்டது. இந்தநிலையில் நேற்று பட்டுக்கூடுகள் வரத்து அதிகரித்தது. அதன்படி 1,338 கிலோ பட்டுக்கூடுகளை விவசாயிகள் விற்பனைக்காக கொண்டு வந்தனர். ஒரு கிலோ பட்டுக்கூடு அதிகபட்சமாக ரூ.776-க்கும், குறைந்தபட்சமாக ரூ.608-க்கும், சராசரியாக ரூ.714.94-க்கும் விற்பனையானது. மொத்தம் ரூ.9 லட்சத்து 56 ஆயிரத்து 727-க்கு வர்த்தகம் நடந்தது.