தர்மபுரி ஏல அங்காடியில் ரூ.14½ லட்சத்துக்கு பட்டுக்கூடுகள் விற்பனை

தர்மபுரி:

தர்மபுரியில் பட்டு வளர்ச்சி துறை சார்பில் செயல்பட்டு வரும் பட்டுக்கூடுகள் ஏல அங்காடிக்கு பல்வேறு மாவட்டங்களில் இருந்து விவசாயிகள் பட்டுக்கூடுகளை விற்பனைக்கு கொண்டு வருகிறார்கள். நேற்று முன்தினம் இந்த அங்காடியில் ஒரு கிலோ பட்டுக்கூடு அதிகபட்சமாக ரூ.719-க்கு விற்பனையானது. நேற்று 2,121 கிலோ பட்டுக்கூடுகள் விற்பனைக்கு கொண்டு வரப்பட்ட நிலையில், கிலோவிற்கு ரூ.26 விலை அதிகரித்தது. ஒரு கிலோ பட்டுக்கூடு அதிகபட்சமாக ரூ.745-க்கும், குறைந்தபட்சமாக ரூ.583.31-க்கும், சராசரியாக ரூ.683.31-க்கும் விற்பனையானது. மொத்தம் ரூ.14 லட்சத்து 49 ஆயிரத்துக்கு வர்த்தகம் நடந்தது.