தர்மபுரி ஏல அங்காடிக்கு பட்டுக்கூடுகள் வரத்து குறைந்தது

தர்மபுரி:

தர்மபுரியில் பட்டு வளர்ச்சி துறை சார்பில் செயல்பட்டு வரும் பட்டுக்கூடுகள் ஏல அங்காடிக்கு பல்வேறு மாவட்டங்களில் இருந்து விவசாயிகள் பட்டுக்கூடுகளை விற்பனைக்கு கொண்டு வருகிறார்கள். இந்த அங்காடிக்கு நேற்று முன்தினம் 3 ஆயிரத்து 384 கிலோவாக இருந்த பட்டுக்கூடுகள் வரத்து, நேற்று 1,190 கிலோவாக குறைந்தது. நேற்று ஒரு கிலோ பட்டுக்கூடு அதிகபட்சமாக ரூ.690-க்கும், குறைந்தபட்சமாக ரூ.400-க்கும், சராசரியாக ரூ.643.13-க்கும் விற்பனையானது. மொத்தம் ரூ.7 லட்சத்து 65 ஆயிரத்துக்கு பட்டுக்கூடுகள் ஏலம் போனது.